Barcelona-ն պաշտոնական բողոք է ներկայացրել ՈՒԵՖԱ՝ Չեմպիոնների լիգայի շրջանակում կայացած հանդիպման ժամանակ Paris St-Germain-ի երկրպագուների պահվածքի պատճառով:
Խաղից առաջ Parc des Princes-ում տեղադրված պաստառի վրա պատկերված է եղել մարդուկ, որը շղթայական սղոցով ոչնչացնում է կատալոնական ակումբի զինանշանը, իսկ ֆրանսերենով գրված է եղել «զանգվածային սպանություն փարիզյան ոճով»:
Կատալոնական ակումբը խստորեն դատապարտել է այս միջադեպը՝ նշելով, որ այն հրահրում է բռնություն և ատելություն սպորտում և հակասում է հարգանքի ու արդար խաղի սկզբունքներին:
Նշենք, որ խաղն ավարտվել էր Barcelona-ի պարտությամբ 4-2 հաշվով, իսկ ՈՒԵՖԱ-ի կարգապահական կանոնակարգի համաձայն՝ նման սադրիչ հաղորդագրությունները կարող են հանգեցնել կարգապահական միջոցների և տուգանքների:
