Premier League-ում ավելի քան 550 հանդիպում սպասարկած Մայկ Դինը Jamie Vardy-ի փոդքաստում պատմել է, որ նախկինում խաղերի ժամանակ իր համար փոքրիկ մարտահրավերներ էր սահմանում զվարճանքի համար։ Նա նշել է, թե փորձում էր տեսնել, թե որքան երկար կարող է առանց սուլելու անցկացնել։
Ըստ Դինի՝ մինչեւ VAR-ի հայտնվելը նա մի քանի անգամ 20 կամ 25 րոպե անցկացրել է առանց որեւէ սուլոցի։ Նա նաեւ հավելել է, որ երբեմն կանգնում էր կենտրոնական շրջանագծում եւ ստուգում, թե որքան ժամանակ կարող է այնտեղ մնալ՝ մեկ անգամ հասնելով մինչեւ 15 րոպեի։
BBC Sport-ի տեղեկություններով՝ գործող մրցավարները Դինի այս պնդումները անհիմն են համարում, որոնք կարող են վերաբերել մինչեւ 2019 թվականը գործող ժամանակաշրջանին։ Դինը նախկինում եւս հայտնվել էր սկանդալների կենտրոնում մեդիա հայտարարությունների պատճառով, մասնավորապես՝ Chelsea-ի եւ Tottenham-ի հանդիպման ժամանակ VAR-ի պարտականությունները կատարելիս։
Այն ժամանակ նա խոստովանել էր, որ դիտավորյալ չէր միջամտել՝ փորձելով խնայել իր ընկերոջը՝ գլխավոր մրցավար Anthony Taylor-ին լրացուցիչ տհաճություններից։ Դինն իր 28-ամյա կարիերայի ընթացքում սպասարկել է բազմաթիվ կարեւոր խաղեր, սակայն նրա նմանատիպ անկեղծությունները հաճախ քննադատության ու մտահոգությունների տեղիք են տալիս մրցավարական կորպուսում։
