Everton-ի գլխավոր մարզիչ Դևիդ Մոյեսը արձագանքել է թիմի երկրպագուների դժգոհությանը, ովքեր դեմ են 19-ամյա կիսապաշտպան Հարիսոն Արմսթրոնգի հնարավոր վաճառքին: Bournemouth-ի դեմ խաղի ընթացքում երկրպագուները բազմիցս վանկարկել են, որ Արմսթրոնգի վաճառքի դեպքում «խռովություն» կբարձրանա:
Ավելի վաղ հայտնի էր դարձել, որ Nottingham Forest-ը 40 միլիոն ֆունտ ստեռլինգի պաշտոնական առաջարկ է ներկայացրել Անգլիայի մինչև 19 տարեկանների հավաքականի խաղացողի համար: Արմսթրոնգը համարվում է ակումբի ակադեմիայի վերջին տարիների ամենահեռանկարային սաներից մեկը:
Մոյեսը նշել է, որ երկրպագուների կարծիքը պետք է հաշվի առնել, սակայն ակումբի ղեկավարությունը երբեմն ստիպված է լինում բարդ որոշումներ կայացնել: Նա հավաստիացրել է, որ ֆուտբոլիստի ապագայի հարցը վերջնականապես կորոշի ակումբի ղեկավարությունը՝ The Friedkin Group-ը:
Բացի այդ, շոտլանդացի մասնագետը քննադատել է այն փաստը, որ մրցաշրջանի մեկնարկից հետո տրանսֆերային պատուհանը դեռևս բաց է մնում: Պրեմիեր լիգայի և EFL-ի ակումբների համար տրանսֆերային պատուհանը փակվելու է սեպտեմբերի 1-ին՝ բրիտանական ժամանակով 23:00-ին:
